agenda 

avegnir

Perlas rumantscha III

20:00 – 22:00, ils 16 da mars 2019, Center communal Trun
concert da gala
Corsin Tuor cun la Brass Band Berner Oberland (BBO), incantanti e cantus firmus surselva preschentan «Perlas rumantschas III»
Ils onns 2006 e 2013 ha la chasa editura «Musikverlag lucerne music edition» (LME) producì – en collavuraziun cun Radiotelevisiun Svizra Rumantscha (RTR) – ils dus portatuns «Perlas rumantschas I» e «Perlas rumantschas II». Suenter l’emprima producziun instrumentala cun Brass Band è la Brass Band vegnida cumplettada tar las «Perlas rumantschas II» cun in ensemble vocal dad umens.
L’enviern 2019 vegn Corsin Tuor, l’iniziant e manader musical da la producziun Perlas rumantschas, a cumplettar la trilogia. La terza producziun è tant culminaziun sco era finiziun da quest project. «Perlas rumantschas III» unescha chant da chor maschadà cun Brass Band e stgaffescha uschia ina punt tranter questas duas pitgas impurtantantas da nossa cultura da musica en il Grischun.
Medemamain sco primaudiziun èn d’udir trais cumposiziuns dal cumponist da renum internaziunal Ivo Antognini cun texts d’Arnold Spescha.

Ragischs
Tier las ragischs ei il motto da nies niev disc cumpact. 25 novas e veglias canzuns da chor romontschas interpretadas digl ensemble cantus firmus surselva sut la bitgetta da Clau Scherrer e leuter entginas improvisaziuns dils frars Domenic e Curdin Janett. 30.- e vitier 4.- CHF per porto e pachetadi. Empustaziuns per e-mail prendein nus bugen encunter (info@cantus-firmus.ch).